Sooraj ke ghar walon

kabhi sooraj tha idhar, tab oss tha moti sa chamakta akela

woh sooraj dhoob chuka hai ab, jo sikka chamakta tha woh khota nikla

jis sooraj ki taraf udaan thi bhari, usise hai yeh parein jaliin

bas nafrat dikhe har aankhon mein, kisike nazron ki mujhe parwah nahiin

raaton ke sannaate mein cheekon ke gale jab kat jaayen

woh murde hont kabhi sajde na keh paaye

sooraj ke ghar walon aana na iss gali

humne sab kuch hai lut diye saaya bhi chod chali

sooraj tho meherbaan hai tum par itni tho shukr karo

paheli ko paheli rehne do, usko na suljao

Sapnon ka jahaaz

sapnon ke jahaaz par baithe uss manzar ki orr badh raha hoon

saagar ke leheron ke sang muskuraate chal raha hoon

saahil sthir apne jagah par hai khadi

apne armaanon ko dabhaaye apne zidd par hai adi

saagar lehron se apne darkhwast hai bhejta har pal

shorr karta thakrata pataron se khal-khal

saagar ke gehre iss pyaar ko woh na jaane

isme chippi sundar sansaar ko na pehchane

bas namkeen aasoonwon se bhar gaya hai saagar

neele ambar se dhuwan kar raha hai sab kuch paakar

tim-tim karte taare, iske ummeed ko khayam rakte

deewane saagar ko yeh aur kaise samjaate

saahil chuppi mein reh sab kuch seh raha

usoolon se bandhkar bas aankhon se keh raha

kaajal mein chipe woh boondein kya dikhe

saagar ko ja koi batla sake

saagar ke ashru se zamee nahiin sinchti

saahil se saagar milkar nahiin milti

bas iss dil ko yeh samjha raha hoon mai

chal raha hoon mai, bas chal raha hoon mai